Sakoh-koh Ibu Bapak
Kuti telu muari
Mari mangsa serega
Dang lupa rik bujadi
--------------------------------
Dang lupa tiyuh komering
Lamon kok lapah jawoh
Wat ingok kilu bimbing
Mak wat sanggon kok jawoh
--------------------------------
Kacah hati ku diniku
Sayang mak diku pandai
Luh tiyak mecoh batu
Pumatang jadi sungai
--------------------------------
Sija satanda ingok
Tungguk kemeda mak lupa
Najin hintara lawok
Rasa putindih sila
--------------------------------
Pesan papa rik mamak
Niku bai-bai dang lijung
Dipa bumi dipijak
Disan langik dijunjung
--------------------------------
Dunia sementara
Dang ram hagati budi
Sembahyang ki dang lupa
Tutuk da jejak Nabi
--------------------------------
Tabik nyawa kon tangguh
Di kunyin handai tolan
Kintu sikam salah teduh
Ram jama sima a pan
--------------------------------
Randos randos
Nyalai di batang cabe
Jama-jama ram nedos
Sampai sai tahun lagi
--------------------------------
Telatuk burung puyuh
Nyalai dilambung nyiwi
Dang lupa mulang tiyuh
Amon kok radu gawe
--------------------------------
Bismillah pangkal kata
Ingok ram jama Tuhan
Amon kok akhir doa
Jama-jama pai mengan
--------------------------------
Sakoh-sakoh akan asan
Dikunyin-kunyin kuti
Dang lupa perintah Tuhan
Sembahyang dang tinggal lagi
--------------------------------
Najin keliling jagat
Nyepok nak bai puari
Tungguk hengas ram pegat
Mak angka anutan lagi
--------------------------------
Sasurat dilom peti
Tininggal jak sai tuha
Aman kok usai begawi
Umbai akas kirimi do'a
--------------------------------
Sija ninggal cerita
Mak lum hentara jaoh
Amon radu gawi sa
Kok haga mungga muloh
Tidak ada komentar:
Posting Komentar