Adok tininggal akas
Asal buai pumuka
Sijasa guai lebas
Adok Diwa Negara
Diwa Negara sakti
Ganta kok bumirua
Ya kasih rik bujadi
Yaja pununggunua
Adok Ratu Berdiri
Tutukan dilomnua
Ya patuh rik bujadi
Mak wat nganggap mentuha
Asal jak Lubuk Linggau
Ganta kok wat pundamping
Satuah ngusung helau
Pundamping jak Kemering
************************************************************************
Sakasih papa mama
Tungguk sijangka jaman
Dang lupa rik Ibu Bapa
Niku sai haga ngandan
Koh-koh dikuti rua
Nak bai jama muhani
Amon sikam kok tuha
Serah sirin dikuti
Sa koh-koh akas Diwa
Dikunyin-kunyin kuti
Hurik dilom dunia
Mak wat kekal abadi
Najin tetel sarjana
Mak wat haga nyukupi
Sembahyang dang haga lupa
Ibot ram duda tini
Sija koh-koh jak umbai
Dang lupa jama iman
Tamong nyemberang sungai
Dang mak sanga apungan
Tamong niku kok nikah
Akas mak wat nengani
Tapi nyak mejong diluah
Mak wat diliak kuti
Alamku kok burubah
Akas kok mena mati
Salah akas sanayah
Tulung doa kon kuti
Dang lupa luah-luah
Amon kok radu gawi
Amon niku kok kiwah
Akuk kon akas haji
Amon malam jum’at
Malaikat ku mulang
Kunyin kuti mak nyambat
Nyak muloh sua miwang
Sija haropan hamba
Wat salah kimaapan
Amon radu budoa
Kunyin yudang mak mengan